Беларуская баскетбалістка – у лідарках Еўралігі
- 16.01.2020, 10:58
- 7,631
Настасся Верамеенка сярод лідарак у колькасці блокшотаў.
Цэнтравая "Надзеі" Настасся Верамеенка дапамагла аранбуржскай камандзе разграміць бельгійскі "Касторс Брэйн" у матчы Еўралігі – 80:47. Беларуска набрала 9 балаў і зрабіла 6 падбораў за гульню, піша "Прэсбол".
Акрамя таго, на рахунку Верамеенкі шэсць блокшотаў у гульні з "Касторс Брэйн". Усяго ў рамках Еўралігі беларуска зрабіла 285 блокшотаў і выйшла ў гэтым паказніку на першае месца за ўсю гісторыю турніру, апярэдзіўшы расейку Марыю Сцяпанаву (281).
З першай пяцёркі Еўралігі ў колькасці блокшотаў толькі Верамеенка і Брытні Грынер (161) прадаўжаюць гульнявую кар'еру.