Нацыянальная каманда Беларусі разграміла каманду Чарнагорыі і выйшла ў асноўны раўнд ЧЕ-2020
8- 13.01.2020, 21:57
- 19,002
Беларускія гандбалісты выйгралі з лікам 36:27.
Нацыянальная каманда Беларусі выйшла ў асноўны раўнд чэмпіянату Еўропы-2020. У заключным матчы папярэдняга раўнда беларусы не пакінулі шанцаў камандзе Чарнагорыі - 36:27, піша «Прессбол».
Каманда Юрыя Шаўцова саступіла ў наступную стадыю без бонусных балаў. Сярод магчымых спаборнікаў - каманды Аўстрыі, Чэхіі, Паўночнай Македоніі, Нямеччыны, Гішпаніі і Нідэрландаў. Матчы асноўнага раўнда пройдуць 16, 18, 20 і 22 студзеня ў Вене.
Чарнагорыя - БЕЛАРУСЬ - 27:36 (11:17)
Грацыя. «Штадтхале Грац». Пачатак - а 20.15.
Суддзі - Ёрум, Клевен (Нарвегія).
Чарнагорыя: Міюшкавіч, Сіміч; Анджэліч, Бакіч, Чавар, Грбавіч, Канкараш, Ласіца, Ліпавіна, Радавіч, Шэвальевіч, Ф.Вуёвіч, С. Вуёвіч, Б. Вуёвіч, Бажавіч, Лазавіч.
БЕЛАРУСЬ: Салдаценка, Мацкевіч; Броўка, Кулеш, Шыловіч, Пухоўскі, Нікуленкаў, Шумак, Юрынок, Баранаў, Лукьянчук, Падшывалаў, Каралёк, Вайлупаў, Бохан, Гайдучэнка.
ГРУПА «А»: Харватыя - 4 балы (2 гульні), БЕЛАРУСЬ - 4 (3), Чарнагорыя - 2 (3), Сербія - 0 (2).