Кіроўцы-партызаны перамаглі: як дзяржпадатак адвяжуць ад тэхагляду

Сітуацыя цікавая з многіх прычын.

Мінфін Беларусі працуе над праектам указа аб аддзяленні дзяржпадатку ад тэхагляду. Плануецца магчымасць платы па месяцах.

Згодна з указам плата будзе ўносіцца грамадзянамі адпаведна з заяўным прынцыпам зыходзячы з планаванага перыяду ўдзелу транспартнага сродку ў дарожным руху.

Калі грамадзянін не будзе эксплуатаваць транспартны сродак (напрыклад, узімку), то плату ўносіць не будзе. Грамадзянам, якія цэлы год выкарыстоўваюць транспартныя сродкі, дадуць магчымасць ужываць паніжальны каэфіцыент 0,8 да ставак платы.

Новыя правілы ўвядуць не раней за 1 студзеня 2020 года. Сітуацыя цікавая тым, што іх прыняцце прэм'ер-міністр анансаваў яшчэ год таму. Гэта была адна з першых значных пастаноў Сяргея Румаса на новай пасадзе, піша «Салідарнасць».

Экспэрты называлі ўвядзенне памесячнага дарожнага падатку «прыгожым паўзахадам». І ўсё ж гэта быў нейкі прагрэс: некаторыя катэгорыі грамадзян з палёгкай уздыхнулі.

Але нешта пайшло не так: правілы так і не былі прынятыя. Толькі ў траўні гэтага года высветлілася, у чым справа. Як расказаў намеснік міністра фінансаў Дзмітрый Кійко, прапанову ўносілі Лукашэнку, але яна ўзгодненая не была.

Увесь гэты час беларусы прадаўжалі масавага ігнараваць праходжанне тэхагляду і выплату дзяржпадатку. Відавочна, кіроўцы-партызаны перамаглі «кіраўніка дзяржавы».