За язду ў нецвярозым стане могуць пазбавіць правоў на пяць гадоў

ДАІ мае намер зрабіць больш жорсткай адказнасць за гэтае правапарушэнне.

Пра гэта апавёў афіцыйны прадстаўнік УДАІ МУС Станіслаў Салавей, паведамляе карэспандэнт агенцтва «Менск-Навіны» са спасылкай на СТВ.

Цяпер, калі алкатэст паказвае 0,3 праміле і вышэй, прызначаюць штраф ад 50 да 100 базавых велічыняў (ад 1275 да 2550 рублёў) і пазбаўляюць правоў на 3 гады. Аднак калі будзе выяўлена больш за 0,8 праміле алкаголю ў крыві, то і штраф, і тэрмін пазбаўлення правоў кіроўцы будуць большыя.

– МУС выступае ініцыятарам узмацнення жорсткасці адказнасці ў частцы дыферэнцыявання стану кіроўцы. Мяркуецца, што ў межах 0,3–0,8 праміле застанецца адказнасць, якая дзейнічае сёння; калі 0,8 і больш, то штраф ужо будзе складаць 200 базавых велічыняў і пазбаўленне пасведчання кіроўцы тэрмінам на 5 гадоў, – адзначыў С. Салавей.