Некалькі дзейсных спосабаў узбадзёрыцца восенню

Простыя правілы, каб быць у тонусе.

Увосень у многіх памяншаецца прадуктыўнасць, псуецца настрой, зніжаецца імунітэт. Пра тое, як дапамагчы сабе і іншым справіцца з восеньскай стомленасцю, распавялі ў ГУ «Менскі абласны цэнтр гігіены, эпідэміялогіі і грамадскага здароўя».

З пункту гледжання медыцыны, восеньская стомленасць, або дэпрэсія, гэта сезонны эмацыянальна прыгнечаны стан. Паводле статыстыкі да яе схільныя 50-70% людзей. Звязаны гэты стан з парушэннем абмену гармонаў: сератаніна і мелатаніна. Недахоп сонечнага святла і перабудова арганізма на «зімовы» рытм не праходзіць для арганізма лёгка. У гэты час узрастае рызыка рэспіраторных захворванняў, зніжаюцца імунітэт і агульная працаздольнасць.

Паводле звестак еўрапейскай статыстыкі, SAD (Seasonal affective disorder, ці сезонная дэпрэсія) - прычына 20% усіх дэпрэсій. Жанчыны схільныя да яе больш, чым мужчыны. Найбольш уразлівыя саракагадовыя дамы.

Калі вы метэаадчувальныя, востра рэагуеце на змену надвор'я, то да прыходу восені варта рыхтавацца загадзя. Восеньская хандра набірае сілу паступова.

Прыкметы восеньскай стомленасці

- Настрой становіцца няўстойлівым і можа мяняцца па некалькі разоў за дзень.

- З'яўляецца раздражняльнасць, ад гэтага часцей узнікаюць канфлікты і непаразуменне.

- Узнікае жаданне больш спаць і нічога не рабіць, з'яўляецца абыякавасць да ўсяго.

- Зніжаецца імунітэт і з'яўляецца адчуванне, што вы захварэлі.

- Абвастраецца апетыт або, наадварот, знікае цікавасць да ежы.

- Ледзь стае сіл на ўвесь працоўны дзень.

Для таго каб знізіць верагоднасць з'яўлення наступстваў восеньскай дэпрэсіі, неабходна загадзя патурбавацца пра ўмацаванне імунітэту. Звярніце ўвагу на рацыён, налягайце на садавіну, багатую аскарбінавай кіслатой.

Займіцеся спортам. Умераная фізічная нагрузка дабратворна ўздзейнічае на нервовую і імунную сістэмы. Трэніроўкі ўмацоўваюць мышцы, павышаюць цягавітасць арганізма, здымаюць негатыўны ўплыў стрэсу. Падчас фізічнай працы павялічваецца паступленне кіслароду да клетак мозгу, што дазваляе актывізаваць мазгавую дзейнасць і павысіць працаздольнасць.

Лепшы сродак ад восеньскай маркоты - хобі. Для кожнага чалавека важна займацца любімай справай, але восенню патрэба ў гэтым узмацняецца. Калі вы даўно марылі заняцца нейкай незвычайнай справай, то не адкладайце гэта на доўгі час: бо нерэалізаванасць творчых жаданняў - спрыяльная глеба для развіцця дэпрэсіі і восеньскай маркоты.

Як перамагчы хандру - памятка

- Старайцеся весці здаровы лад жыцця.

- Прытрымлівайцеся правільнага харчавання.

- Адмоўцеся ад шкодных звычак.

- Займайцеся спортам і часцей бывайце на свежым паветры.

- Займайцеся ўлюбёнай справай.

- Не трымайце ў сабе назапашаныя эмоцыі, старайцеся выгаварыцца: сябрам ці блізкім людзям.

- Не падайце духам і кажаце сабе: «Усё будзе добра!».

І галоўнае, пазбягайце ляноты і жадання сябе пашкадаваць. Не дазваляйце навакольным праяўляць да вас жаль. Старайцеся быць шчаслівым чалавекам нават у нялёгкія перыяды вашага жыцця.