Фотафакт: На будоўлі метро ў катлаван упаў кран
3- 20.09.2019, 11:25
- 17,433
Машыніст паспеў выскачыць з кабіны, але ўсё ж пацярпеў.
На будоўлі трэцяй лініі метро ў Менску ўпаў аўтакран. Пра гэта паведамляе tut.by са спасылкай на МНС Менска.
Увечары 19 верасня на вуліцы Караля ў Менску ў катлаван вентзбойкі ўпаў аўтамабільны кран. Гэта здарылася ў 18.30 на будоўлі метро, калі перамяшчалі металічную апалубку. Глыбіня вентзбойкі – 25 метраў.
Пацярпеў машыніст аўтакрана. Ён быў у кабіне кіравання, у момант падзення выскачыў у катлаван. Яго даставілі ў лякарню, папярэдні дыягназ – пералом.
Механічныя пашкоджанні атрымалі аўтакран і часовы ўпор для стабілізацыі сцены катлавана. Прычыну здарэння высвятляюць.