Актывістка «Еўрапейскай Беларусі»: Больш за ўсё саграваюць зносіны з людзьмі

«Ні снег, ні дождж, ні дзікая спякота, ні змрок начны не спыняць нас».

Нягледзячы на дождж, у цэнтры Менску актывісты ладзяць пікеты па зборы подпісаў.

«Ні снег, ні дождж, ні дзікая спякота, ні змрок начны не спыняць нас». Цытата з фільма «Паштальён».

Сёння ў Менску амаль цэлы дзень ідзе дождж. Нягледзячы на гэта, у цэнтры стаяць пікеты «Еўрапейскай Беларусі» - ужо з намётамі і тэрмасамі, - піша прэс-служба грамадзянскай кампаніі.

- Усё роўна больш за ўсё саграваюць зносіны з людзьмі, - кажа адна з актывістак. - Пікеты уздоўж праспекта Незалежнасці ў раёне станцый метро «Плошча Якуба Коласа», «Плошча Перамогі» і «Кастрычніцкая» стаяць штодня з 12.00 да 19.00. Прыходзьце - пагутарым, адкажам на вашы пытанні.