Крадзеж мільярда ў Малдове: арыштаваная маёмасць на сотні мільёнаў лееў

Мільярд быў скрадзены ў 2015 годзе.

Нацыянальны цэнтр барацьбы з карупцыяй Малдовы арыштаваў маёмасць кампаній, якія маюць дачыненне да крадзяжу мільярда з банкаў Малдовы ў 2015 годзе.

Пра гэта паведамляе «Европейская правда» са спасылкай на NewsMaker.

Адзначаецца, што ўсяго арыштавана маёмасці на суму 364 млн лееў (19,5 млн даляраў) і канфіскавана 11 аўтамабіляў класа «люкс». Каму менавіта належыць маёмасць і аўтамабілі, у цэнтры не ўдакладнілі. Сцвярджаецца толькі, што аўто належыць кампаніям аднаго з бенефіцыярыяў крадзяжу мільярда.

Паводле паведамлення, канфіскавалі, у тым ліку, браняваныя аўтамабілі класа «люкс»: Mercedes (GL, Maybach), Bentley і Toyota.

На днях у Малдове пазбавілі недатыкальнасці, а затым затрымалі двух дэпутатак ад партыі «Шор», якіх абвінавацілі ў датычнасці да гучнага крадзяжу мільярда.

Нагадаем, у 2015 годзе ў Малдове стала вядома, што з трох банкаў - Banca de Economii, Banca Sociala і Unibank, якія кантралявалі амаль палову рынку банкаўскіх паслуг, былі выведзены за мяжу блізу мільярда даляраў.

У дачыненні да крадзяжу мільярда ранейшыя ўлады Малдовы абвінавацілі скандальнага бізнэсоўцаў Ілана Шора, кіраўніка партыі «Шор». Шор быў прызнаны вінаватым судом першай інстанцыі, але ён заставаўся на волі праз «затрымку» апеляцыйных слуханняў (меркавалася, што напраўду - дзякуючы яго супрацоўніцтву з партыяй улады).

Ілан Шор пасля змены ўлады збег з краіны і цяпер знаходзіцца ў Ізраілі.