Навукоўцы ўпершыню знайшлі ваду на патэнцыйна заселенай планеце

Астраномы ўпершыню выявілі ў атмасферы суперзямлі сляды вадзянога пару.

Відавочна, вады на экзапланеце K2-18b шмат - амаль 50%, а яшчэ яна знаходзіцца ў заселенай зоне сваёй зоркі. Тэмпература на планеце (ад нуля да 40 градусаў Цэльсія) дапускае прысутнасць жыцця. Артыкул апублікаваны ў Nature Astronomy, піша часопіс «Нож».

Навукоўцы зрабілі адкрыццё, прааналізаваўшы інфармацыю, атрыманую з касмічнага тэлескопа «Хабл» у 2016 і 2017 гадах. Саму планету выявілі ў 2015 годзе. Яна знаходзіцца ў сістэме чырвонага карліка і размешчаная ў 111 светлавых гадах ад Сонца. K2-18b можа мець камяністую паверхню, а можа выявіцца планетай-акіянам з тоўстай ледзяной карой. Яе маса складае восем мас Зямлі.

Акрамя вадзянога пару, астраномы выявілі ў атмасферы планеты некаторую колькасць вадароду і гелію. Навукоўцы не выключаюць, што таксама ў атмасферы могуць утрымлівацца метан, азот і аміяк. Умовы на планеце могуць быць прыдатныя для жыцця, але пакуль пацвердзіць гэтую гіпотэзу немагчыма. У наступныя дзесяць гадоў гэта змогуць высветліць касмічныя тэлескопы новага пакалення.