У цэнтры Менска ўсталёўваюць станцыю падсілкавання электрамабіляў

Станцыя знаходзіцца на Ленінградскай вуліцы недалёка ад чыгуначнага вакзалу.

5 жніўня ў цэнтры Менска ўсталёўвалі чарговую станцыю падсілкавання электрамабіляў. Яна знаходзіцца на Ленінградскай вуліцы недалёка ад чыгуначнага вакзала, паведамляе euroradio.fm.

Мяркуецца, што да 2025 года ў сталіцы можа з'явіцца да 400 падобных станцый. Менавіта ў Менску будзе хутчэй за ўсё расці колькасць электрамабіляў. Гэта звязана і з колькасцю жыхароў, і з узроўнем іх даходаў.