У Сібіры павялічваецца плошча лясных пажараў

Рэжым НС дзейнічае на ўсёй тэрыторыі Краснаярскага краю, а таксама ў адным раёне Якуціі.

Учора плошча лясных пажараў у зоне тушэння павялічылася на 7,7 тысяч гектараў і склала 50,1 тысяч гектараў, паведамляе kasparov.ru.

Са звестак службы, да паўночы 25 жніўня на тэрыторыі краіны было 109 лясных пажараў. Найбольшую колькасць узгаранняў зафіксавалі ў Краснаярскім краі - 84 пажары на тэрыторыі 22,1 гектара. За ім ідзе Чукотка - тры пажары на плошчы 13,2 гектара, і Камчацкі край - два пажары на плошчы 11 тысяч гектараў.

Напярэдадні ў Расеі было зафіксавана 122 лясныя пажары, плошча складала 42,4 тысячы гектараў.

У тушэнні пажараў задзейнічана 1,4 тысяч чалавек, 158 адзінак тэхнікі, 39 паветраных суднаў.

Праз лясныя пажары рэжым НС дзейнічае на ўсёй тэрыторыі Краснаярскага краю, а таксама ў адным раёне Якуціі.