Стала вядома, як слабаалкагольныя напоі дзейнічаюць на арганізм чалавека

Гарэлка і каньяк больш карысныя, чым піва і віно?

Навукоўцы сцвярджаюць, што слабаалкагольныя напоі могуць прынесці арганізму нават больш шкоды, чым, напрыклад, гарэлка ці каньяк, піша healthinfo.ua.

Піва. Асаблівая небяспека гэтага напою ў тым, што звычка ўжываць яго цалкам неўзаметку можа перайсці ў сапраўдны алкагалізм. Справа ў тым, што сам смак піва актывізуе выкід гармону задавальнення - дафаміну, што спрыяе фармаванню прывыкання, патрэбы піць яшчэ і яшчэ. Але піва ў вялікай колькасці можа правакаваць запаленне падстраўнікавай залозы, а таксама павелічэнне сэрца ў памерах - з'яўленне так званага «бычынага сэрца».

Акрамя таго, у мужчынскім арганізме пад уплывам піва актыўна выкідваюцца ў кроў жаночыя палавыя гармоны. Для жанчын - аматарак піва павышаецца рызыка захварэць на рак.

Шампанскае. Праз вуглякіслы газ у шампанскім алкаголь вельмі хутка ўсмоктваецца ў кроў і ў арганізме хутчэй адбываецца інтаксікацыя. Лекары перасцерагаюць аб тым, што шампанскае садзейнічае гніенню змесціва кішэчніка, праз што можна атруціцца.

Яшчэ адзін факт: ад дзеяння шампанскага псуецца зрок.

Кактэйлі. Прадстаўляючы сабой сумесь розных тыпаў алкаголю, гэтыя напоі могуць асабліва значна разбураць печань і правакаваць скокі ціску, тым самым парушаючы працу сэрца. Да таго ж звычайна гэтыя напоі вельмі каларыйныя. У выніку яны вядуць да атлусцення, руйнуючы адначасна зубы і пячонку.

Віны. За кошт біялагічна актыўных рэчываў, якія змяшчаюцца ў іх, віны прыкметна дзейнічаюць на сасуды. У вялікай колькасці яны могуць выклікаць негатыўную рэакцыю ў выглядзе ўстойлівага пашырэння сасудаў з наступнай нестабільнасцю артэрыяльнага ціску. Таксама з ужываннем віна асацыююцца парушэнні дзейнасці сэрца, печані, псіхікі.