Уладзімір Зяленскі заснаваў Дзень памяці абаронцаў Украіны
5- 24.08.2019, 10:56
- 7,595
Яго будуць адзначаць 29 жніўня.
Прэзідэнт Украіны Уладзімір Зяленскі паведаміў, што падпісаў указ пра заснаванне 29 жніўня Дня памяці абаронцаў Украіны, якія загінулі ў барацьбе за незалежнасць і тэрытарыяльную цэласнасць краіны, паведамляе «Интерфакс-Украина».
«З мэтай годнага ўшанавання памяці загінулых украінскіх вайскоўцаў і ўдзельнікаў добраахвотніцкіх фармаванняў мной падпісаны ўказ пра заснаванне Дня памяці абаронцаў Украіны, якія загінулі ў барацьбе за незалежнасць, за суверэнітэт і тэрытарыяльную цэласнасць Украіны, і ўшаноўваць яго штогод 29 жніўня», - сказаў ён у суботу на ўрачыстасцях з нагоды Дня Незалежнасці Украіны на Майдане Незалежнасці ў Кіеве.