Джэф Плат: Гатовы выступаць за нацыянальную каманду Беларусі пры любым трэнеры
- 23.08.2019, 21:25
- 7,799
Хакеіст пракаментаваў прызначэнне Міхаіла Захарава на пасаду галоўнага трэнера каманды Беларусі.
Нападнік «Аўтамабіліста» Джэф Плат перад матчам з менскім «Дынама» (6:0) на Кубку ЛЖД пракаментаваў прызначэнне Міхаіла Захарава на пасаду галоўнага трэнера нацыянальнай каманды Беларусі, піша pressball.by.
- Прыемна сустрэцца на лёдзе з сябрамі і партнёрамі па нацыянальнай камандзе. Гуляць супраць іх заўсёды цікава.
Я быў вельмі рады атрымаць тытул найлепшага гульца Беларусі. Гэта вялікі гонар. Але трафей у руках пакуль трымаць не давялося. Думаю, што абавязкова атрымаю яго па прыездзе ў Менск.
Мне давялося папрацаваць пад кіраўніцтвам Міхаіла Захарава ў нацыянальнай камандзе, калі мы гулялі ў Капенгагене. У любым выпадку трэба паважаць пастанову федэрацыі. Я гатовы гуляць за каманду пры любым трэнеры, - сказаў Плат.