Украінскі нардэп: Авакаў можа ўзначаліць РНБА
6- 23.08.2019, 17:38
- 11,180
Дзве крыніцы пацвердзілі гэтую інфармацыю.
Міністр унутраных спраў Украіны Арсэн Авакаў можа атрымаць пасаду сакратара Рады нацыянальнай бяспекі і абароны, паведаміў народны дэпутат Сяргей Лешчанка, піша «Новое время».
Палітык спасылаецца на дзве крыніцы: адну ў праваахоўных колах, другую - у медыйных.
«Наколькі праўдзівы слых - даведаемся на наступным тыдні», - напісаў Лешчанка ў Telegram.
Раней абраны дэпутат ад партыі «Слуга народа» Давід Арахамія назваў трох міністраў цяперашняга ўрада, якія могуць захаваць працоўнае месца пасля фармавання новага Кабінета міністраў:
міністр унутраных спраў Арсэн Авакаў,
міністр аховы здароўя Ульяна Супрун,
міністр фінансаў Аксана Маркарава.