28 сакавiка 2024, Чацвер, 18:25
Падтрымайце
сайт
Сім сім,
Хартыя 97!
Рубрыкі

Аўтааматар прыдумаў, як «здружыць» дарожны збор і тэхагляд

35
Аўтааматар прыдумаў, як «здружыць» дарожны збор і тэхагляд

Развязанне можа ляжаць на паверхні.

Апошні год інтэрнэт проста перанасычаны матэрыяламі пра тэхагляд. Кожны аўтар спрабуе данесці сваё бачанне пытання, урад са свайго боку ўсё абяцае і абяцае, але воз, як той казаў, і цяпер там, а сітуацыя становіцца ўсё горшай з кожным днём. Ніжэй аўтааматар з Берасця апісаў сваё бачанне праблемы і шляхі развязання, якія, як яму здаецца, павінны «спрацаваць». Меркаванні аўтааматара публікуе "Виртуальный Брест".

Чаму аўтаўладальнікі не праходзяць ТА? Давайце разгледзім гэтую сітуацыю ў выглядзе задачы.

Дадзена:

Дзяржпадатак, ён жа падатак, прывязаны да працэдуры праходжання ТА;

Аўтаўладальнікі, якія не праходзяць ТА, колькасць якіх расце;

Урад, які прыдумаў усе гэтыя працэдуры і ўжо каторы год не можа прымусіць увесь гэты механізм дзейнічаць.

Пытанне:

Як прымусіць усё гэта працаваць і зрабіць усім добра?

Адказ:

Чаму дагэтуль нічога выразнага не прыдумана з гэтай праблемай? Гэта звязана з тым, што нашы чыноўнікі змагаюцца не з прычынамі праблемы, а з яе следствам. Ёсць людзі, якія не праходзяць тэхагляд, - давайце будзем штрафаваць іх і паказваць пужаючую статыстыку, а чаму гэтыя людзі не хочуць плаціць грошы - ніхто не задумваецца, і дарма.

Развязанне, як мне здаецца, ляжыць на паверхні.

Кошт допуску павінен быць даступным для людзей. У гэты момант кошт рэальна завышаны, і гэта асноўная прычына, чаму аўтаўладальнікі не хочуць праходзіць ТА. Пакуль будзе дорага - ахвотных уцячы ад выплаты будзе вельмі шмат, і не важна, дзе і на колькі месяцаў трэба будзе выплачваць гэты збор.

Градацыя па вазе нікуды не вартая. Глядзіце самі. Ёсць два аўтамабілі адной маркі, адзін - хэтчбек, другі - седан, матор і камплектацыя ў такіх аўто абсалютна аднолькавыя, розніца толькі ў максімальнай вазе: у хэтчбека - 1490 кг, у седана - 1510 кг. А цяпер мне хочацца задаць пытанне таму чалавеку, які распрацоўваў градацыю аплаты паводле вагі. Чаму гэтыя людзі павінны плаціць розны падатак, прычым той, у каго трохі цяжэйшае аўто, павінен плаціць удвая больш? Можа, прасцей зрабіць аплату, якая ўлічвае аб'ём рухавіка, а не вагу аўто?

Таксама немалаважна, куды будуць сыходзіць гэтыя грошы. Хацелася б, каб яны накіроўваліся менавіта на рамонт мясцовых дарог і што да іх выкарыстання была рэальная справаздача за мінулы квартал ці год у рэжыме онлайн на спецыяльным рэсурсе: колькі прыйшло сродкаў, колькі накіраванае на рамонт і ў якія арганізацыі. Думаю, гэта цалкам справядлівае патрабаванне. Я як аўтаўладальнік, які заплаціў за дарогі, хацеў бы бачыць і разумець, куды і на што сышлі мае грошыкі.

А цяпер давайце паглядзім, у чым выйграюць абсалютна ўсе ад таго, калі зрабіць гэты падатак у некалькі разоў меншым.

Усе аўтаўладальнікі будуць аплачваць дзяржпадатак, у выніку грошай паступіць нашмат больш. Просты прыклад: калі верыць статыстыцы, то на гэты момант без «допуску» катаецца 70% аўто ў РБ. Зразумелая справа, што лепш усе заплацяць па палове, чым 30% аўтаўладальнікаў - поўны кошт.

Не трэба будзе ніякіх камер фотафіксацыі ТА, «фільтраў» і дэкад тэхагляду, бо на гэта ж таксама будуць марнавацца сродкі з бюджэту краіны. Людзям прасцей будзе аддаць невялікія грошы і ездзіць спакойна, чым не плаціць суму ў 2-3 разы больш і перасоўвацца, пазбягаючы ДАІ, пры гэтым выплачваючы штрафы.

ДАІ зможа больш часу надаваць сапраўды парушэнням ПДР, а не проста правяраць дакументы. У краіне процьма аўтаўладальнікаў, якія праязджаюць скрыжаванні на чырвонае, парушаюць правілы паркоўкі, - гэта проста скарбніца для папаўнення бюджэту, а мы тут ТА правяраем.

Адпадзе пытанне, калі і да чаго прывязваць або адвязваць дарожны падатак, бо, калі аплата будзе праводзіцца добрасумленна, праблема знікне сама сабой.

P.S. Таксама не варта забываць, што ў кошт паліва ўжо закладзены так званы «дарожны падатак», хацелася б і па ім таксама бачыць статыстыку, куды і навошта ён сыходзіць, колькі дарог адрамантаваныя з гэтай нішы бюджэту.

Напісаць каментар 35

Таксама сачыце за акаўнтамі Charter97.org у сацыяльных сетках