Пляжны футбол: нацыянальная каманда Беларусі падолела каманду Нямеччыны ў Еўралізе
- 18.08.2019, 14:58
- 8,574
На старце турніру беларускія футбалісты перамаглі французаў.
Нацыянальная каманда Беларусі ў пляжным футболе перамагла на этапе Еўралігі ў італійскай Катанні, паведамляе pressball.by.
У сваім другім матчы беларусы падолелі каманду Нямеччыны з лікам 3:2. На старце турніру беларускія футбалісты перамаглі французаў - 4:1.
18 жніўня спаборніцай нацыянальнай каманды Беларусі будзе каманда Італіі, якая ў першым туры перамагла Нямеччыну 5:4, а затым Францыю - 6:3. Суперфінал, у якім выступяць 8 найлепшых нацыянальных каманд Старога Свету, пройдзе з 5 да 8 верасня ў партугальскім горадзе Фігейра-да-Фош.