Супраць трэнера-расіста нацыянальнай каманды Расеі адкрылі справу
8- 17.08.2019, 21:21
- 23,614
Міжнародная федэрацыя валейбола мае намер пакараць трэнера, які паказаў расісцкі жэст.
Міжнародная федэрацыя валейбола (FIVB) распачала дысцыплінарную справу ў дачыненні да трэнера жаночай нацыянальнай каманды Расеі Сэрджыя Бузата, які паказаў расісцкі жэст. Пра гэта ў суботу, 17 жніўня, са спасылкай на ўласную крыніцу ў прэс-службе арганізацыі паведамляе ТАСС.
Якое пакаранне пагражае спецыялісту, не ўдакладняецца.
Бузата паказаў вузкія вочы пасля перамогі расейскіх валейбалістак над камандай Паўднёвай Карэі ў вырашальным матчы алімпійскага адбору 4 жніўня. У паўднёвакарэйскай федэрацыі жэст палічылі расісцкім і напісалі скаргу ў FIVB. Усерасейская федэрацыя валейбола выказала гатоўнасць прынесці прабачэнні за паводзіны трэнера, але адмовілася яго караць.