Лукашэнка: Навошта нам араць зямлю для дохлых кароў?

Дыктатар нечакана заўважыў тое, пра што доўгі час казалі незалежныя СМІ.

Лукашэнка заявіў, што па выніках года ў Беларусі разбяруцца з прычынамі памораку жывёлы ў гаспадарках краіны. Пра гэта ён заявіў сёння падчас наведвання ТАА «Шапчыцы-агра» падчас рабочай паездкі ў Старадарожскі раён, паведамляе карэспандэнт БелТА.

Лукашэнка заявіў, што за год будзе падлічана, колькі загінула жывёлы ў кожнай вобласці і агулам у краіне.

«За гэта адкажуць усе. Навошта нам араць зямлю, нарыхтоўваць кармы - для дохлых кароў і быкоў ці цялят? Гэта нікому не трэба, - cказаў ён. - Гэта абуральная безгаспадарлівасць, гэта проста злачынства. Што да памораку жывёлы разборкі будуць вельмі жорсткія».

Нагадаем, незалежныя СМІ не раз заяўлялі пра тое, што ў Беларусі адбываецца паморак жывёлы. Зусім нядаўна ў сеціве з'явіліся здымкі з аграгарадка Паршына Горацкага раёна, якія шакавалі сваёй безгаспадарчасцю. У вёсцы Дабрагошчы Жлобінскага раёна каровы гінулі ад голаду.

Дзіўна, што дыктатар адрэагаваў на паморак толькі цяпер, хоць незалежныя СМІ казалі пра гэта ўжо даўно.