16-гадовая актывістка адправілася праз Атлантыку на канферэнцыю па змяненні клімату

Грэта Тунбегр адправілася з Вялікабрытаніі ў ЗША на васямнаццаціметровай яхце «Malizia».

Шведская экаактывістка Грэта Тунберг адправілася на высокатэхналагічнай яхце «Malizia» з Плімута, размешчаным на паўднёвым узбярэжжы Англіі, праз Атлантыку ў Нью-Ёрк. Перад адплыццём ў сераду, 14 жніўня, адбылася прэс-канферэнцыя, на якой школьніца заявіла: «Нямногія маюць магчымасць, узяць удзел у такім туры. Толькі вельмі нямногія могуць рабіць тое, што я раблю, і таму я выкарыстоўваю кожную магчымасць, каб рабіць гэта».

Грэта Тунберг адправілася ў Амерыку на яхце, таму што прынцыпова не лятае на самалётах, якія, на яе перакананні, наносяць вялікую шкоду экалогіі. Чакаецца, што пераход праз Атлантыку зойме блізу двух тыдняў. Акрамя бацькі, Грэту суправаджае кінарэжысёр, які будзе здымаць дакументальны фільм пра гэту паездку. Суднам будуць кіраваць два дасведчаныя яхтсмены, паведамляе DW.

Грэта Тунберг, з уласных слоў, ставіць перад сабой мэту падняць тэму абароны клімату за акіянам на новы ўзровень. Шведская актывістка возьме ўдзел у канферэнцыі ААН аб клімаце, якая пройдзе ў верасні ў Нью-Ёрку. А ў снежні яна наведае сусветную канферэнцыю аб абароне клімату ў сталіцы Чылі, Сант'яга. У перапынках паміж гэтымі мерапрыемствамі Грэта збіраецца далучыцца да экалагічных дэманстрацый «Fridays for Future» і сустрэцца з пацярпелымі ад наступстваў кліматычных змен.

Экалагічны рух «Fridays for Future»

Шведская школьніца Грэта Тунберг з'яўляецца ініцыятаркай акцый моладзі пад дэвізам «Пятніцы дзеля будучыні». З 2018 года на працягу месяцаў яна кожную пятніцу выходзіць на пікеты па абароне клімату. Да яе акцый далучыліся тысячы школьнікаў. Замест заняткаў за партай пятніцамі яны ладзяць дэманстрацыі. Тое, што пачыналася з адзіночнага пікету, перарасло ў цэлы пратэстны рух ва ўсім свеце. Толькі ў Нямеччыне існуе больш за 230 такіх груп.

7 ліпеня Грэта атрымала вышэйшую ўзнагароду Amnesty International - званне «Амбасадар сумлення, а нядаўна яе вылучылі на Нобелеўскую прэмію.