Рост ВУП Украіны паскорыўся амаль удвая
27- 14.08.2019, 18:41
- 17,118
ВУП краіны-суседкі Беларусі, што ваюе, у другім квартале вырас на 4,6%.
Рост валавога ўнутранага прадукту Украіны ў красавіку-чэрвені 2019 года склаў 4,6% да аналагічнага перыяду 2018 года, тады як у першым квартале тэмп росту быў ніжэйшым - 2,5%. Пра гэта паведамляе «Новое время» са спасылкай на дзяржаўную службу статыстыкі Украіны.
У Дзяржаўнай статыстыцы Украіны ўдакладнілі, што ў адносінах да папярэдняга кварталу рэальны ВУП Украіны ў другім квартале гэтага года з улікам сезоннага фактару вырас на 1,6%.
Раней паведамлялася, што Нацбанк Украіны палепшыў прагноз тэмпаў росту ВУП Украіны паводле вынікаў 2019 года да 3%.
Прэзідэнт Украіны Уладзімір Зяленскі 8 жніўня заявіў, што на працягу найбліжэйшых пяці гадоў ВУП Украіны будзе расці на 5-7% у год.