Лукашэнка ператварыўся ў сумнага і прадказальнага старога
41- 14.08.2019, 17:08
- 36,382
Эфект Данінга-Кругера ў дзеянні.
Пра гэта піша Telegram-канал «Баста!».
- Лукашэнка за сваю дыктатарскую кар'еру нагаварыў унікальнай лухты на добры пяцітомнік, і ўсё ніяк не супакоіцца. Ён вялікі камбайнер, старшыня, пісьменнік, гісторык, памежнік, хакеіст, валейбаліст, бацька-адзіночка, футбаліст, лыжнік, эканаміст, абаронца кароў, валадар дажджоў і граза неўраджаю. Праўда, цяпер гэта ўжо нікога не здзіўляе: дыктатар, які дэманструе эфект Данінга-Кругера, ператварыўся ў сумнага і прадказальнага старога.
Нягледзячы на гэта, ён, вядома, ведае і ўмее ўсё.
Сёння падчас візіту ў Магілёўскую вобласць Лукашэнка расказаў, як падвоіць вытворчасць рыбы: «Чаго мы марудзім, чаго баімся? Тэхналогіі выдатныя, рынкі ёсць. Трэба актуалізаваць гэтую праграму і ўнесці мне канкрэтныя прапановы».
Рыбгасам былі дадзеныя выразныя ўказанні пра колькасць ікры на пагалоўе, дыяметры ікрынак, вагу і калорыі.
Ужо зусім хутка кожны жыхар краіны зможа дазволіць сабе мець на стале рыбу, вырашчаную ў Беларусі паводле тэхналогій, якія распрацаваў асабіста кіраўнік і якімі так шчодра падзяліўся. Напэўна, гэта адбудзецца адразу пасля таго, як мы пачнём атрымліваць папіццот, разлічымся з абавязкамі, пабудуем 10 мільёнаў квадратных метраў жылля за год і павялічым насельніцтва краіны да 13 мільёнаў.
Ці раней, як думаеце?
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.