Відэагіт: Папугай, які вырас сярод сабак, брэша і ахоўвае дом

Ахоўваць дом у птушкі атрымліваецца проста выдатна.

Што будзе рабіць папугай, калі ён вырас і жыве сярод сабак? Правільна! Брахаць і ахоўваць дом. Відэа, на якім птушка паводзіць сябе менавіта так, апублікаваў адзін з жыхароў горада Рудэпурт у ПАР, піша «Медуза».

Са слоў аўтара відэа, папугай жыве ў ягонай сям'і ўжо амаль 19 гадоў. За гэты час разумная птушка (яе або яго мянушка, на жаль, не называецца) навучылася пераймаць і людзей, і сабак, з якімі бавіць шмат часу разам.

Ахоўваць дом у птушкі атрымліваецца проста выдатна. Пры выглядзе папугая, які брэша ў кампаніі сабак, збяжыць кожны зламыснік.