У Адэсе ўкраінская паліцыя са штурмам вызваліла дзвюх закладніц
4- 7.07.2019, 15:50
- 14,290
Злачынца патрабаваў мільён даляраў і гелікаптэр.
Ва ўкраінскай Адэсе пасля трох гадзін перамоваў са зламыснікам, які захапіў закладнікаў у адной з фінустаноў, паліцыя правяла штурм будынка.
Як паведамляе «Думская», выявілася, што ў якасці закладнікаў утрымлівалі дваіх дзяўчат. Іх вывелі з будынка і пасадзілі ў хуткую дапамогу. Яны сур'ёзна не пацярпелі.
Невядомы зайшоў, зачыніў дзверы, прыставіў да горла адной з дзвюх супрацоўніц нож. Спрацавала трывожная кнопка.
Злачынца патрабаваў адзін мільён даляраў і верталёт. Падчас перамоў зламыснік пагадзіўся знізіць прэтэнзіі да 100 тысяч даляраў.
Падчас аперацыі яго затрымалі і пасадзілі ў аўтазак. Зламыснік 1994 года нараджэння, ураджэнец Адэскай вобласці.