У Маскве затрыманыя шасцёра супрацоўнікаў ФСБ Расеі

Трое з іх супрацоўнікі спецпадраздзялення «Альфа».

У Маскве затрыманыя і арыштаваныя шэсць супрацоўнікаў Федэральнай службы бяспекі Расеі. Трое з іх знаходзяцца ў спецпадраздзяленні «Альфа», двое - у банкаўскім аддзеле ФСБ, вядомым як управа «К». Яшчэ адзін з'яўляецца супрацоўнікам групы спецыяльнага прызначэння «Вымпел».

Крыніца РБК сцвярджае, што працаўнікоў ФСБ падазраюць у крадзяжы 140 млн расейскіх рублёў у нейкім банку. Іншы суразмоўца выдання заявіў, што выкралі 170 мільёнаў. Паводле справы таксама праходзіць супрацоўнік акадэміі ФСБ, сцвярджаецца ў публікацыі.

Афіцыйнага пацверджання ад Цэнтра грамадскіх сувязяў ФСБ пакуль не паступала. Раней там заяўлялі пра затрыманне двух супрацоўнікаў паводле падазрэння ў крадзяжы сродкаў у прадпрымальніка. З якой яны структуры, не ўдакладнялася.