Барыс Джонсан заступіў на пасаду прэм'ер-міністра Вялікабрытаніі
8- 24.07.2019, 18:10
- 9,677
Джонсан сустрэўся з каралевай Элізабэт II.
Барыс Джонсан, лідэр кансерватыўнай партыі Вялікабрытаніі сустрэўся з каралевай Элізабэт II. Каралева прызначыла яго на пасаду кіраўніка кабінета міністраў, піша РБК са спасылкай на Sky News.
Для фармальнага прызначэння палітык меў атрымаць просьбу ад каралевы сфармаваць новы ўрад. З гэтай мэтай ягоны поезд накіраваўся ў Букінгемскі палац. У дарозе ягоны самаход спынілі дэманстранты арганізацыі Greenpeace, стаўшы ў ланцужок. Паліцыя сагнала іх з дарогі, пасля чаго картэж паехаў далей.
Незадоўга да сустрэчы каралевы з Джонсанам, Букінгемскі палац наведала Тэрэза Мэй, якая склала з сябе паўнамоцтвы прэм'ера. Элізабэт II прыняла ейную адстаўку. Пасля гэтага да каралевы прыбыў Джонсан, да якога тая афіцыйна звярнулася з просьбай сфармаваць кабінет міністраў.
Барыс Джонсан здабыў перамогу ў барацьбе за пасаду прэм'ера, прайшоўшы праз галасаванне кіроўнай кансэрватыўнай партыі і стаўшы яе лідэрам. Адным з ягоных абяцанняў было арганізацыя выхаду Вялікабрытаніі з ЕЗ да 31 кастрычніка. Правесці Brexit новы прэм'ер мерыцца без папярэдніх дамоўленасцяў з Брусэлем.