У візавым цэнтры Літвы ў Менску абрынулася падвесная столь

Канструкцыі абрынуліся над крэсламі, дзе людзі чакаюць сваёй чаргі на падачу дакументаў.

У візавым цэнтры Літвы, які знаходзіцца ў будынку на вуліцы Бабруйскай, абрынулася столь. Фатаграфію даслаў чытач tut.by.

У МНС Беларусі пацвердзілі, што пашкоджаная падвесная столь. Гэта здарылася на шостым паверсе будынка на вуліцы Бабруйскай, 6. Паводле інфармацыі ратавальнікаў, пацярпелых няма.

Мяркуючы па фота, канструкцыі абрынуліся над крэсламі, дзе людзі чакаюць сваёй чаргі на падачу дакументаў.

Візавы цэнтр Літвы пераехаў у будынак на вуліцы Бабруйскай некалькі месяцаў таму.