СМІ: Гурбангулы Бердымухамедаў патэлефанаваў ва Узбекістан
- 24.07.2019, 9:42
- 12,806
Аднак жыхарам Туркменістана жывога правіцеля так і не паказалі.
Прэзідэнт Туркменістана Гурбангулы Бердымухамедаў у тэлефоннай размове павіншаваў з днём нараджэння прэзідэнта Узбекістана Шаўката Мірзіёева, паведамляе ўзбекскае выданне gazeta.uz.
Тэлефонная размова прэзідэнта Узбекістана Шаўката Мірзіёева з прэзідэнтам Туркменістана Гурбангулы Бердымухамедавым адбылася 24 ліпеня, паведаміла прэс-служба кіраўніка ўзбекскай дзяржавы.
На пачатку размовы Гурбангулы Бердымухамедаў нібыта павіншаваў Шаўкат Мірзіёева з днём нараджэння, пажадаўшы дабрабыту і працвітання народу Узбекістана.
Нагадаем, што раней у СМІ з'явілася непацверджаная інфармацыя пра смерць кіраўніка Туркменістана Гурбангулы Бердымухамедава. Кіраўнік знік з поля зроку СМІ і тэлеэфіру 15 ліпеня. Пасля паведамленняў пра смерць Гурбангулы Бердымухамедава туркменскія дыппрадстаўніцтвы за мяжой выступілі з аспрэчваннем гэтай інфармацыі, аднак жывога Гурбангулы Бердымухамедава жыхарам Туркменістана дагэтуль ніхто не паказаў.