29 сакавiка 2024, Пятніца, 18:54
Падтрымайце
сайт
Сім сім,
Хартыя 97!
Рубрыкі

Мянчук купіў акуляры, а праз год вярнуў

15
Мянчук купіў акуляры, а праз год вярнуў

Суд стаў на яго бок.

Мянчук у жніўні 2017 года набыў акуляры. А ўжо вясной 2019 года адсудзіў у салона оптыкі не толькі кошт пакупкі, але і 100 рублёў кампенсацыі маральнай шкоды.

Як мянчук купіў акуляры...

У рэдакцыю tut.by звярнуўся мянчук Ігар Крупінскі. У жніўні 2017 года ён купіў у адным з салонаў оптыкі Fielmann у Менску аправу Sisley і лінзы Essilor з асферычным дызайнам, мульціпакрыццём Crizal Alize, індэксам патанчэння 1,67.

- У мяне адно вока горш бачыць і зрок 4,5, гэта значыць пры такім зроку у звычайных лінзаў тоўстае і цяжкае шкло. У салоне мне параілі набыць лінзы Essilor. Маўляў, лінза будзе танчэйшай і лягчэйшай, будзе мець больш плоскі асферычны дызайн, антыблікавае пакрыццё, функцыі антыдождж і антыбруд.

Са слоў Ігара, калі б такія лінзы паставілі ў аправу не з салона, то на акуляры не распаўсюджвалася б трохгадовая гарантыя.

- Я набыў новую аправу і лінзы, пры гэтым кожная лінза каштавала больш за 100 рублёў. За ўсё разам заплаціў 351 рубель 66 капеек і атрымаў гарантыю на тавар на тры гады, - кажа Ігар.

Прыкладна праз год, у кастрычніку 2018 года, мужчына прыйшоў у гэты ж салон оптыкі, каб замяніць адну з лінзаў. Кажа, што неакуратна паклаў акуляры ў сумку і лінзу падрапаў. Пры гэтым хацеў яе замяніць за свой кошт, а не па гарантыі, бо разумеў, што ў драпіне вінаваты сам.

- Мне сказалі, што замяніць лінзу каштуе блізу 120 рублёў. Я наважыў даведацца, колькі каштуюць такія лінзы ў іншых салонах. У адным з іх знайшоў варыянт прыкладна за 80 рублёў і аформіў заказ там. Праз некаторы час са мной звязаліся і сказалі, што ў маіх акулярах усталяваныя не лінзы Essilor, а звычайныя, і яны ў іх каштуюць 17 рублёў.

Пакупнік забраў акуляры і звярнуўся ў Fielmann, там здаў адну з лінзаў. Таксама ён звязаўся з прадстаўнікамі кампаніі і падняў пытанне аб кампенсацыі маральнай шкоды, у тым ліку вёў перапіску з рэгіянальным мэнэджарам кампаніі па Украіне і Беларусі.

Вясной 2019 года ён звярнуўся ў суд і папрасіў спагнаць з салона оптыкі 351 рубель 66 капеек і 10 тысяч рублёў маральнай шкоды.

...а потым праз іх судзіўся

Салон оптыкі ў пачатку лютага 2019 году накіраваў Ігару па пошце пераказ у 351 рубель 66 капеек. Гэта кошт акуляраў. Рашэнне ў кампаніі прынялі, «зыходзячы з прынцыпу лаяльнасці прадпрыемства да кожнага свайго кліента «пакупнік заўсёды мае рацыю», а не таму што прызналі факт: лінзы былі не тыя. Гэты пераказ мужчына не атрымаў, бо, з яго слоў, быў у ад'ездзе.

У салоне оптыкі адзначаюць: падмяніць лінзы проста немагчыма.

- Гэта выключана. У нас вытворчасць, тэхналогія, лагістыка. Мы праводзілі ўнутранае расследаванне - ніякіх парушэнняў тэхналагічнага працэсу не ўстаноўлена. На патрабаванне нямецкага заснавальніка ініцыяваны зварот у органы ўнутраных спраў, каб праверылі даччынае прадпрыемства, - і яны таксама нічога не знайшлі. Гэта пацверджана дакументальна матэрыяламі справы, - кажуць там.

Суд у адкрытым судовым пасяджэнні разгледзеў пазоў пакупніка і наважыў, што ўсё ж такі яму перадалі тавар, «які не адпавядае умовам дамовы і інфармацыі, прадстаўленай пакупніку пры ўкладанні дамовы куплі-продажу». Суд наважыў спагнаць з кампаніі на карысць пакупніка 351 рубель 66 капеек і кампенсацыю маральнай шкоды ў 100 рублёў.

- Выпадак не з'яўляўся гарантыйным, я вырашыў замяніць лінзу за свой рахунак у іншым салоне оптыкі. Даведаўшыся, што ў мяне звычайныя лінзы, у якіх замове адпавядалі толькі дыёптрыі, я адчуў сябе падманутым, і прапанаваў вырашыць гэтае пытанне шляхам перамоў, але гэта ні да чаго не прывяло - таму я звярнуўся ў суд.

Прадстаўнікі салона оптыкі пастанову суда абскардзілі. У апеляцыйнай скарзе яны паказваюць, што ні падчас суда, ні ў пісьмовых матэрыялах справы не прызнавалі і не прызнаюць, што быў прададзены няякасны тавар.

Аднак Менскі гарадскі суд пастанову суда Савецкага раёна пакінуў без змен.

У салонах оптыкі мяркуюць, што, нягледзячы на тое, што ў матывіровачнай частцы пастановы суда прасочваецца: раз спрабавалі грошы вярнуць, значыць прызналі віну, - гэта не так. У любых сітуацыях, яны кажуць, што працуюць з кожным кліентам да таго часу, пакуль ён не застанецца задаволены вынікам.

- Мы прызнаем любыя рэкламацыі і нават гатовыя дапамагаць пры звароце кліентаў з іншых салонаў. Прынцып нашай кампаніі: хто б да нас не прыйшоў, яму трэба дапамагчы, - кажуць там і дадаюць, што цяпер будуць накіроўваць наглядную скаргу.

Пакупнік падаў у салон оптыкі адну з лінзаў. Тым часам у Fielmann адзначаюць, што экспертызу акуляраў яны не праводзілі: каб гэта зрабіць, патрэбныя акуляры, а не адна лінза.

- Каб правесці экспэртызу, неабходна выканаць пэўны алгарытм дзеянняў. Каб паглядзець, як шліфавалася лінза, як яна ўваходзіць у аправу, нам патрэбныя акуляры, а пакупнік іх не здаў.

Напісаць каментар 15

Таксама сачыце за акаўнтамі Charter97.org у сацыяльных сетках