Каля ўкраінскай Вярхоўнай Рады затрымалі мужчыну з гранатай
3- 20.07.2019, 10:36
- 7,779
Затрыманы быў у вышуку за дэзерцірства.
Каля Вярхоўнай Рады Украіны паліцэйскія затрымалі мужчыну з гранатай. Пра гэта паведамляе прэс-служба паліцыі Кіева.
Мужчыну даставілі ў тэрытарыяльнае кіраванне паліцыі. Гранату канфіскавалі для накіравання на экспертнае даследаванне.
«Падчас патрулявання на вуліцы Грушэўскага работнікі паліцыі палка асобага прызначэння №2, якія нясуць службу ва ўзмоцненым рэжыме, убачылі мужчыну, які падазрона сябе паводзіў, а затым вырашылі з ім пагутарыць. Падчас павярхоўнай праверкі ў яго выявілі гранату і запал», - удакладнілі ў прэс-службе.
Затрыманага, 22-гадовага жыхара Палтаўскай вобласці, даставілі ў тэрытарыяльнае кіраванне паліцыі.