Леанід Заіка: Чаму царква не пярэчыць гэтай нахабнай палітыцы?

Гэта ж не па-хрысціянску.

У сувязі з сустрэчай кіраўнікоў Беларусі і Расеі на Валааме кіраўнік аналітычнага цэнтра «Стратэгія» Леанід Заіка паразважаў на Примусе на тэму аддзялення царквы ад дзяржавы, паведамляе «Салідарнасць».

«Існуе два вялікія глупствы. Першае тычыцца гіпотэзы, што «спорт па-за палітыкай». Ну гэта для дурняў. Другое тычыцца сцвярджэння царква адасоблена ад дзяржавы. Гэта таксама для дурняў. Насельніцтвам кіруюць праз гэтыя інстытуты - спорт і царква».

***

«Калі паўстала пытанне, як хрысціць майго сына (а гаворка ішла пра праваслаўную царкву), я ўважліва вывучыў, колькі каштуе абрад хрышчэння. Параўнаў з іншымі цэрквамі. Высветлілася, самы недарагі, самы бюджэтны варыянт хрышчэння - у царкве, якая прадстаўляе юдаізм. Я нават задумаўся, ці не звярнуць дзіця ў юдаізм».

***

«Пратэстанцкая этыка і пратэстанцкая эканамічная дактрына абвяшчаюць: калі ўласнасць не служыць для дабра ўсіх, значыць яна павінна быць мадыфікаваная, ператвораная. Адсюль свецкая ідэалогія пра дзяржаву дабрабыту.

Вось скажыце, наяўнасць дарагога ровара ў хлопчыка 15 гадоў служыць дабру ўсіх? Калі б чалавек, якога мы маем на ўвазе, быў бы пратэстантам, ён бы ніколі не прыняў бы такога, не пайшоў бы на гэта. Таму трэба змяніць веру нашым кіраўнікам і прыняць асновы пратэстанцкай этыкі».

***

«Думаю я, што Лукашэнка зробіць упор паводле расейскага ўзору на праваслаўе і нейкую саборнасць для легітымізацыя сябе ў якасці палітычнага кіраўніка краіны? Не, такога ў яго не атрымаецца. Неяк не выглядае ён як добрапрыстойны праваслаўны хрысціянін. Ды і няма для яго такой неабходнасці.

Ён сам сябе ўжо прызначыў не Богам, а бажаством. Многія лічаць, што 25 гадоў Лукашэнка нічога не рабіў, а ён мяркуе, што вырабіў каласальныя дзеянні і стварыў беларускую дзяржаву, што ён выратаваў краіну ад чагосьці».

***

«А ведаеце, чаму Лукашэнка сказаў, што ён праваслаўны атэіст? Мне распавядалі, што калі ён заявіў, што з'яўляецца атэістам, Філарэт, які стаяў побач, спытаў: а які вы атэіст - каталіцкі ці праваслаўны? «Вядома праваслаўны».

***

«На самой справе вертыкаль, губернатары і іншыя, працуюць як святары. Не ведаю, чаму яны яшчэ хрэсным ходам не ходзяць з партрэтамі Аляксандра Рыгоравіча».

***

«Глядзіце: расслаенне ў Расеі дасягнула неверагодных маштабаў. Узровень даходаў людзей адрозніваецца ў 30-50 разоў. Але гэта ж не па-хрысціянску. Расейцы ў кульце грошай ужо апярэдзілі амерыканцаў.

Але я нічога не чую ад царквы. Яны маўчаць! Не тыкаюць пальцам у дэпутатаў: аддай аднятае ў бедных і пакутнікаў! Гэта страшная рэч, калі царква не асуджае і не вядзе супраціву гэтай нахабнай, жудаснай, антычалавечай палітыцы».