12 лiстапада 2019, aўторак, 21:47
Добрая навіна
Рубрыкі

Visa і Mastercard могуць сысці з Расеі

15
Visa і Mastercard могуць сысці з Расеі
ФОТА: DEPOSITPHOTOS

Працу міжнародных аплатных сістэм у Расеі зрабілі юрыдычна немагчымай.

Новыя раздзелы закона «Аб нацыянальнай аплатнай сістэме» могуць прывесці да таго, што міжнародныя аплатныя сістэмы (МАС) могуць згарнуць сваю дзейнасць у Расеі, і грамадзяне пазбавяцца магчымасці плаціць карткай за мяжой, піша finanz.ru.

Унутры Расеі ў сваю чаргу можа спыніцца прыём карт замежных крэдытных арганізацый. Дзярждума ўключыла разгляд законапраекта ў другім чытанні на 23 ліпеня.

Самі папраўкі, як сцвярджаецца, накіраваныя на падтрыманне бесперапыннасці картачных аплатаў у Расеі. Яны патрабуюць забараніць расейскім «дочкам» міжнародных аплатных сістэм прыпыняць разлікі па картах расейскіх банкаў, якія трапілі пад санкцыі, што, фактычна, для іх немагчыма.

Законапраект уводзіць паняцце «замежная аплатная сістэма» (ЗАС) такім чынам, што МАС, зарэгістраваныя ў ЦБ, пад яго не трапляюць і, такім чынам, павінны падпарадкоўвацца правілам для проста «аплатных сістэм». Для іх у законапраекце ўводзіцца забарона на ўстанаўленне «крытэраў прыпынення, спынення ўдзелу ў аплатнай сістэме на ініцыятыву аператара аплатнай сістэмы, звязаных, адпаведна, з прыпыненнем, спыненнем удзелу ў замежнай аплатнай сістэме». Гэта адносіцца да ўсіх буйных замежных сістэм.

На гэты момант даччыныя структуры, якія знаходзяцца ў рэестры аператараў аплатных сістэм ЦБ, ёсць у Visa, MasterCard, China Union Pay, JCB і інш.

Калі правілы не будуць выпраўленыя, праз паўгода пасля прыняцця закона прыпыненне разлікаў якога-небудзь банка, напрыклад, праз санкцыі, будзе ўважацца за парушэнне. За гэтым рушыць услед прадпісанне ЦБ аб выпраўленні парушэння, і ў выпадку, калі яно не будзе выкананае, адбудзецца выключэнне расейскай даччынай кампаніі ЗАС з рэестра аператараў аплатных сістэм ЦБ і фактычная забарона на працу аплатнай сістэмы ў Расеі.

Калі ў МАС адклічуць ліцэнзіі ў Расеі, то на нейкі час усе разлікі па картах унутры краіны спыняцца, папярэджвае незалежны экспэрт на аплатным рынку Дзмітрый Вішнякоў. У Нацыянальнай сістэмы аплатных карт (НСАК) сёння дамовы ўкладзеныя не з банкамі, а з міжнароднымі аплатнымі сістэмамі, якія плацяць ёй за апрацоўку іх трансакцый унутры краіны, і ўсе ўмовы разлікаў, уключаючы міжбанкаўскія камісіі, запісаныя ў правілах міжнародных аплатных сістэм, тлумачыць ён.

Міжнародныя аплатныя сістэмы не стануць мяняць правілы, а проста згорнуць свой бізнэс у Расеі, упэўнены экспэрт, знаёмы з працай МАС. Ён звярнуў увагу на тое, што прапанаваныя правілы для кампаній невыканальныя не таму, што гэта складана зрабіць ці нязручна, а таму, што немагчыма з юрыдычнага пункту гледжання. З юрыдычнага пункту гледжання даччыная арганізацыя не можа не выконваць правілы і патрабаванні галаўной арганізацыі, а падстаў для выключэння банкаў з замежнай аплатнай сістэмы можа быць шмат і вельмі розных, дадае выканаўчы дырэктарка Нацыянальнай аплатнай асацыяцыі Марыя Міхайлава.

ЦБ і дэпутаты намагаюць на прыняцці паправак да закона ўжо ў гэтую сесію. Рэгулятар намагае на тым, што «расейскія «дочкі» замежных кампаній, якія ажыццяўляюць сваю дзейнасць на тэрыторыі РФ, павінны працаваць у адпаведнасці з расейскім заканадаўствам, што забяспечвае абарону інтарэсаў грамадзян, фінансавай інфраструктуры і расейскага бізнэсу».