Мэр мексіканскага горада прыкінуўся бяздомным, каб праверыць працу сацыяльных службаў
6- 10.07.2019, 12:18
- 15,089
Пасля эксперыменту Карлас Тэна склікаў нараду.
Мэр мексіканскага горада Куаутэмок Карлас Тэна атрымліваў неаднаразовыя скаргі на працу сацыяльных службаў горада. Каб скласці ўласнае меркаванне, ён пераапрануўся бяздомным, сеў у інвалідны вазок і скіраваўся да іх на прыём, апавядае мясцовы тэлеканал Milenio (пераклад – tut.by).
Él es Carlos Tena, alcalde de Cuahutémoc, Chihuahua, el que se hizo pasar por vagabundo para poner a prueba a sus empleados #HoyEnSixRadio @sixradiofm pic.twitter.com/FWkHwHUUFn
— Mónica Alfaro (@Monicalfaro) 8 июля 2019 г.
Спярша Тэна ў цёмных акулярах, павязцы на левым воку і бруднай вопратцы прыехаў у Дэпартамент сацыяльнага развіцця горада. Ён хацеў атрымаць дапамогу на харчаванне, але ніхто з супрацоўнікаў не дапамог яму ў афармленні папераў. Толькі адзін сацработнік прапанаваў мужчыну перакусіць.
У гарадской адміністрацыі Тэна паспрабаваў сустрэцца з мэрам (гэта значыць з ім самім). Але супрацоўнікі доўга не маглі знайсці ключ ад спецыяльнага ліфта для людзей з абмежаванымі магчымасцямі. Падчас працоўнага дня ён быў зачынены.
Пасля гэтага Тэна скончыў эксперымент і склікаў нараду, падчас якой мясцовым чыноўнікам не пашчасціла. Хутчэй за ўсё, сацыяльныя службы сапраўды будуць працаваць больш эфектыўна. А раптам мэр захоча паўтарыць эксперымент?
