19 лiпеня 2019, Пятніца, 18:26
Мы ў адной лодцы
Рубрыкі

У Маскве «замінавалі» храм Хрыста Збавіцеля і Маўзалей

15
ФОТА: TONKOSTI.RU

Паведамляецца пра пагрозу выбуху на 16 аб'ектах у сталіцы Расеі.

У нядзелю, 9 чэрвеня, ананімныя паведамленні аб мінаванні паступілі з 16 аб'ектаў у Маскве, уключаючы Астанкінскую вежу, храм Хрыста Збавіцеля і Маўзалей. Пра гэта піша «РИА Новости» са спасылкай на неназванага прадстаўніка экстраных службаў сталіцы. Інфармацыю пацвярджае крыніца ТАСС ў праваахоўных органах, не ўдакладняючы дакладную колькасць будынкаў.

Паводле звестак агенцтваў, ва ўсіх аб'ектах працуюць супрацоўнікі праваахоўных органаў і кінолагі з сабакамі. Звесткі пра пагрозу выбуху на Краснай плошчы не пацвердзіліся, удакладняе ТАСС.

Як пазней паведаміў РІА «Новости» прадстаўнік экстраных службаў сталіцы, пагроза выбуху на 16 аб'ектах у Маскве, у тым ліку ў храме Хрыста Збавіцеля, Астанкінскай тэлевежы і Маўзалеі Леніна не пацвердзілася, небяспечныя прадметы не выявілі.

У пачатку чэрвеня ў Маскве таксама прайшла хваля паведамленняў аб мінаванні - за два дні было праверана больш за 250 аб'ектаў, у тым ліку тэлецэнтр «Астанкіна», будынак Дзярждумы, МІА «Расія сёння» і некалькі гатэляў. Пагроза выбухаў не пацвердзілася.