На дрэваапрацоўчым прадпрыемстве ў Мастах адбыўся выбух

Ад будынка нічога не засталося.

7 чэрвеня а 23:38 на дрэваапрацоўчым прадпрыемстве ТАА «Мастоўдрэў» адбыўся выбух газапаветранай сумесі, паведамляе grodno.mchs.gov.by.

Выбух адбыўся ў аднапавярховым блокавым будынку, у якім праводзіцца аварыйны зліў тэхнічнага алею. Выбуховая хваля дарэшты разбурыла сцены і дах будынка. Пацярпелых няма, адзначае МНС.