Якое будзе надвор'е да канца тыдня

Прагноз надвор'я ў Беларусі на 27 – 29 чэрвеня.

27 чэрвеня (чацвер) надвор'е ў Беларусі будуць вызначаць актыўныя атмасферныя франты ад цыклону, які перамяшчаецца з тэрыторыі Латвіі на Маскоўскую вобласць, піша Гідрамет.

Чакаецца перавага хмарнага надвор'я. На большай частцы тэрыторыі дажджы, навальніцы, месцамі моцныя залевы, удзень у асобных раёнах па паўднёвым усходзе краіны град. Вецер паўднёва-заходні з пераходам на паўночна-заходні парывісты, раніцай і ўдзень у многіх раёнах моцны парывісты. Тэмпература паветра мінімальная ноччу +16... +22°С, максімальная ўдзень ад +21°С па паўночным захадзе да +29°С па поўдні краіны.

Атмасферны ціск будзе ноччу падаць, удзень слаба расці.

У наступныя двое сутак ўсталюецца халаднаватае надвор'е.

28 чэрвеня (пятніца) надвор'е ў краіне будзе фармаваць тылавая частка цыклону, што адыходзіць на Маскоўскую вобласць і прахалодная паветраная маса, якая паступае з Балтыйскага мора. Воблачна з праясненнямі. Месцамі, пераважна па ўсходзе, кароткачасовыя дажджы. Вецер паўночна-заходні сярэдні, у многіх раёнах моцны парывісты. Тэмпература паветра ўначы +8... +15°С, удзень +13... +20°С, па паўднёвым захадзе да +23°С.

29 чэрвеня (субота) захаваецца ўплыў прахалоднай і няўстойлівай паветранай масы, якая перамяшчаецца з Балтыйскага мора. Чакаецца пераменная воблачнасць. Пераважна без ападкаў. Вецер паўночна-заходні сярэдні, месцамі, у асноўным па ўсходзе, моцны парывісты. Тэмпература паветра ноччу +7... +13°С, удзень ад +16°С па паўночным усходзе да +23°С па паўднёвым захадзе.