Джонсан высунуў ультыматум ЕЗ датычна Brexit

Кандыдат на пасаду прэм'ер-міністра Вялікай Брытаніі працытаваў папулярную англамоўную прымаўку.

Кандыдат на пасаду прэм'ер-міністра Вялікай Брытаніі Борыс Джонсан паабяцаў "зрабіць ці памерці" і вывесці краіну з ЕЗ праз чатыры месяцы.

Пра гэта паведамляе "Еўрапейская праўда" са спасылкай на The Times.

Джонсан учора высунуў ультыматум Брусэлю, заклікаўшы адмовіцца ад настойлівай пазіцыі з нагоды ірландскай мяжы і так званага "бэкстопа", які, як асцерагаюцца прыхільнікі Brexit, можа назаўсёды звязаць Вялікую Брытанію з ЕЗ.

Ён таксама сказаў, што не падпіша дакумент пра выплату 39 млрд фунтаў стэрлінгаў ЕЗ, пакуль не будзе заключанае гандлёвае пагадненне.

Джонсан дадаў, што калі Брусэль не пагодзіцца з ягонымі патрабаваннямі, ён выведзе Вялікую Брытанію з ЕЗ без пагаднення 31 кастрычніка.

"Закон пра міжнародныя дамовы кажа, што Вялікая Брытанія выходзіць з ЕЗ 31 кастрычніка", – сказаў ён. Джонсан дадаў, што гэта адбудзецца: "Зрабі або памры. Будзь што будзе".

Апошняе апытанне The Times паказала, што выбарнікі палярызаваныя ў пытанні стратэгіі Brexit: 28% хочуць выхаду без пагаднення, у той час як 43% падтрымліваюць сяброўства ў ЕЗ. Акрамя таго, 36% мяркуюць перабольшаннем або выдумкай, што выхад без пагаднення нанясе сур'ёзныя страты эканоміцы.

Нагадаем, імя новага прэм'ера Брытаніі абвесцяць 23 ліпеня. Акрамя Джонсана на пасаду прэтэндуе міністр замежных справаў Джэрэмі Хант.