У Менску разгледзелі пазоў паводле справы аб неабгрунтавана высокіх тарыфах таксі

Што вырашыў суд?

Сёння судом Заводскага раёна сталіцы разгледжаны пазоў ГА «Рэгіянальнае таварыства абароны спажыўцоў» да прыватнага транспартнага ўнітарнага прадпрыемства «КИТТАКС» аб прызнанні дзеянняў супрацьпраўнымі і спыненні гэтых дзеянняў. Аб падрабязнасцях піша прэс-служба Менгарсуда.

Нагадаем, пазоўнік мяркуе, што дапускаецца парушэнне правілаў перавозкі пасажыраў: недастаткова ўказаць тарыфы ў салоне таксі на бачным для пасажыра месцы, іх трэба таксама аб'яўляць. Такім чынам, мяркуе пазоўнік, перавозчык не прымае належных мер па давядзенні інфармацыі пра тарыфы, што, на яго думку, сведчыць пра нядобрасумленныя паводзіны.

Пазоўнік прасіў суд прызнаць дзеянні адказчыка супрацьпраўнымі ў частцы фактаў, якія маюць месца, аб неданясенні належным чынам да спажыўцоў інфармацыі пра прапанаваныя тарыфы пры аказанні паслуг у арганізацыі аўтамабільных перавозак пасажыраў аўтамабілямі-таксі і адсутнасці садзейнічання спажыўцам у вольным выбары прапанаванай паслугі.

Таксама была вылучана просьба прызнаць дзеянні адказчыка ў частцы аказання паслуг па арганізацыі аўтамабільных перавозак пасажыраў аўтамабілямі-таксі з усталяваннем тарыфаў у сумах, што шматкроць перавышаюць узровень тарыфаў на гэты від паслуг, супрацьпраўнымі і абавязаць адказчыка спыніць супрацьпраўныя дзеянні пры аказанні спажыўцам паслуг у арганізацыі аўтамабільных перавозак пасажыраў аўтамабілямі-таксі.

На судовым пасяджэнні пазоўнік дапоўніў заяўленыя патрабаванні і прасіў суд таксама абавязаць адказчыка давесці да ведама спажыўцоў рашэнне суда ў дзесяцідзённы тэрмін пасля ўступлення яго ў законнае дзеянне праз сродкі масавай інфармацыі.

Дзеянні «КИТТАКС» па неданясенню да спажыўцоў інфармацыі аб цане паслуг (тарыфах) пры аказанні паслуг у аўтамабільнай перавозцы пасажыраў прызнаныя судом супрацьпраўнымі. Пастанова суда не ўвайшла ў законнае дзеянне і можа быць абскарджаная і апратэставаная ва ўстаноўленым заканадаўствам парадку.