Выбухі боепрыпасаў у Казахстане: сталі вядомыя новыя падрабязнасці
- 25.06.2019, 8:56
- 10,236
Два чалавекі загінулі, 15 знаходзяцца ў рэанімацыі.
Колькасць загінулых у выніку выбухаў боепрыпасаў у горадзе Арысь Туркестанскай вобласці Казахстана ўзрасла да двух. Пра гэта ў аўторак паведаміў прэм'ер-міністр краіны Аскар Мамін на пасяджэнні ўрада, паведамляе ТАСС.
Раней паведамлялася пра аднаго загінулага.
«На жаль, ёсць загінулыя - адзін цывільны, адзін вайсковец. Выказваю шчырыя спачуванні родным і блізкім», - сказу Мамін, кажучы аб пацярпелых у Арысі.
Ён адзначыў, што пацярпелым надаецца медыцынская дапамога. «Жыхары горада Арысь эвакуяваныя ў бяспечныя зоны», - дадаў кіраўнік урада.
Як паведаміў міністр аховы здароўя краіны Елжан Біртанаў, 15 чалавек знаходзяцца ў рэанімацыі.
«Усяго звярнуліся па дапамогу 165 чалавек. З іх 76 - амбулаторна, 89 шпіталізаваныя. 15 чалавек знаходзяцца ў рэанімацыі ў Шымкенте і ў раённых лякарнях», - распавёў ён.
У панядзелак на адным са складоў Узброеных сіл Казахстана, размешчаным побач з горадам Арысь, адбылося ўзгаранне, якое пацягнула выбух часці боепрыпасаў. Праведзена эвакуацыя жыхароў Арысі ў найбліжэйшыя населеныя пункты. Насельніцтва горада складае блізу 45 тысяч чалавек.