Пуцін падняў на трывогу воінскія часткі ў 29 рэгіёнах Расеі
13- 24.06.2019, 14:11
- 18,102
У РФ пачалася раптоўная праверка боегатоўнасці Цэнтральнай ваеннай акругі.
На трывогу паднятыя воінскія часткі ў Сібірскай, Уральскай і Прыволжскай федэральных акругах, паведамляе сайт Крым.Реалии са спасылкай на прэс-службу Цэнтральнай ваеннай акругі Мінабароны Расеі.
«Раптоўная праверка боегатоўнасці войскаў Цэнтральнай ваеннай акругі (ЦВА) пройдзе з 24 да 28 чэрвеня на 35 палігонах», – гаворыцца ў паведамленні.
Паводле звестак журналістаў, на трывогу паднятыя воінскія часткі ў 29 рэгіёнах краіны.
У найвышэйшую ступень баявой гатоўнасці прывялі таксама частку войскаў і сілаў Паўднёвай і Усходняй ваенных акругаў, а таксама асобныя злучэнні ВДВ, далёкай і ваенна-транспартнай авіяцыі. Як заявіў міністр абароны РФ Сяргей Шайгу, праверка праходзіць з пастановы Пуціна.
Расейскія вайскоўцы будуць удзельнічаць больш чым у 50 вучэннях, падчас якіх адсякаюць, напрыклад, знішчэнне «дэструктыўных ваенных сілаў», паведаміў Шайгу. Ён адзначыў, што асноўная задача праверкі – вызначыць гатоўнасць ваеннага кіраўніцтва да кіравання войскамі «пры нарастанні ваеннай пагрозы і ўзнікненні крызісных сітуацый».
Пасля анэксіі Крыма ў 2014 годзе Расея праводзіць рэгулярныя вайсковыя вучэнні на паўвостраве.