Найбуйнейшымі ўніверсітэцкімі цэнтрамі ЕЗ сталі Парыж і Варшава

У Польшчы навучаецца 1,3 мільёна студэнтаў у 369 універсітэтах.

Справаздача Польскага эканамічнага інстытута паказвае, што ад колькасці ўніверсітэтаў у тым ці іншым горадзе на 80% залежыць развіццё агламерацыі. У справаздачы паказваецца, што сёння Варшава з'яўляецца другім велічынёй акадэмічным цэнтрам у Еўропе, у якім навучаецца 235 000 студэнтаў. Толькі Парыж апярэджвае сталіцу Польшчы, за імі ідуць Рым, Мадрыд і Барсэлона, паведамляе «Радыё Польшча».

Справаздача ПЭІ паказвае, што ў самой Польшчы, акрамя сталіцы, самымі «студэнцкімі» гарадамі з'яўляюцца Кракаў, Познань і Уроцлаў. Усяго ў краіне навучаецца 1,3 мільёна студэнтаў у 369 універсітэтах.

Анджэй Кубісяк з Польскага эканамічнага інстытута адзначае тэндэнцыю: «Адукаваная моладзь - вельмі сур'ёзны рэсурс для мясцовых рынкаў працы, і гэта, у сваю чаргу, з'яўляецца аргументам для замежных інвестараў і іншых людзей, якія плануюць інвестыцыі».