Кошт біткойна перавысіў $11 тысяч

Крыптавалюта перавысіла псіхалагічную адзнаку.

Удзень 22 чэрвеня кошт біткойна перавысіў псіхалагічную адзнаку $11 тысяч. Пра гэта кажуць звесткі біржаў CoinMarketCap і CoinDesk.

Згодна з CoinMarketCap, на 16:00 біткойн падаражэў да $11 114. А 07:55 крыптавалюта прадавалася за $10 626, паведамляе РБК.

У траўні курс біткойна на CoinMarketCap пачаў з адзнакі $5,8 тысяч (9 траўня ён пераадолеў планку $ 6 тысяч, а 12 траўня - $7 тысяч). Ужо ў канцы месяца кошт крыптавалюты перавысіў адзнаку $ 9 тысяч.

Кошт біткойна дасягнуў піку ў 2017 годзе. Тады за некалькі месяцаў ён падаражэў на 1300% і ў снежні на некаторых крыптавалютных біржах каштаваў прыкладна $20 тысяч.