Заўтра ў Беларусі – да +31°С

Пры гэтым удзень у асобных раёнах моцныя дажджы, магчымы град.

Да 31 градуса цяпла чакаецца ў Беларусі 23 чэрвеня, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У нядзелю чакаецца воблачнае з праясненнямі надвор'е. Па паўднёва-ўсходняй палове пройдуць кароткачасовыя дажджы, месцамі навальніцы. Удзень у асобных раёнах моцныя дажджы, магчымы град. Вецер паўночны, паўночна-заходні, сярэдні, пры навальніцах парывісты, удзень месцамі моцны парывісты.

Тэмпература паветра ўначы складзе 9–15 градусаў цяпла, па паўднёвым усходзе плюс 16–21, удзень чакаецца 19–25 градусаў, на паўднёвым усходзе паветра прагрэецца да 26–31 градуса.