Reuters: Экс-прэзідэнт Егіпта Мурсі памёр у зале суда
6- 17.06.2019, 19:20
- 16,695
Апошнія гады ён знаходзіўся пад арыштам.
Пра смерць Мурсі са спасылкай на дзяржаўную тэлевізію Егіпта паведамляе агенцтва Reuters.
Агенцтва паказвае, што экс-прэзідэнт Егіпта сканаў падчас судовага пасяджэння.
Выданне Masrawy са спасылкай на тэлеканал Extra News таксама паведамляе, што Мурсі памёр у будынку суда.
У судзе разглядалася справа аб шпіянажы на карысць Катара, паводле якой былы прэзідэнт праходзіў галоўным абвінавачаным.
Махамед Мурсі быў прэзідэнтам Егіпта з 2012 да 2013 год. Яго зрынулі ў выніку вайсковага перавароту.