Дзень Святой Тройцы: традыцыі і што можна рабіць у гэты дзень
5- 16.06.2019, 16:04
- 18,311
Праваслаўныя і каталікі адзначаюць сёння адно з галоўных царкоўных святаў - Тройцу.
Гэтае свята адзначаюць на 50-ы дзень пасля Вялікадня (адсюль другая вядомая назва - Сёмуха). У праваслаўных гэтае свята называюць таксама Днём сашэсця Святога Духа (увасабляе пачатак новай эпохі існавання чалавецтва і ўважаецца за дзень стварэння хрысціянскай царквы), піша сайт «Медиа-Полесье».
Але самае галоўнае - у гэты дзень святы дух сышоў на 12 апосталаў і адкрыў ім, што Бог адзіны і траісты адначасова.
У гэты дзень галінкамі дрэў з маладымі лісцем упрыгожваюць цэрквы і жыллё, дэманструючы тым самым росквіт душы чалавека і абнаўленне людзей.
На Сёмуху нельга:
- хадзіць на могілкі: родных і знаёмых памінаюць у бацькоўскую суботу напярэдадні;
- працаваць дома і на зямлі;
- сварыцца і зайздросціць;
- хадзіць у лес;
- купацца.
Царква і традыцыі рэкамендуюць:
- схадзіць у храм і памаліцца;
- нарыхтаваць бярозавыя венікі для лазні (ён уважаецца за гаючы).
Прыкметы на Тройцу:
- дождж на Сёмуху - да цёплага надвор'я, ураджаю і грыбоў;
- спякота - усё лета будзе засушлівым.