Колькі часу трэба праводзіць на прыродзе для добрага самаадчування
5- 14.06.2019, 14:23
- 12,080
Даследчыкі назвалі лічбу.
Брытанскія навукоўцы падлічылі, колькі часу чалавеку трэба праводзіць на прыродзе, каб добра сябе адчуваць. Даследаванне апублікавана ў Scientific Reports, коратка пра яго піша часопіс «Нож».
Папярэднія даследаванні паказалі, што жыхары зялёных раёнаў радзей пакутуюць ад сэрцава-судзiнных захворванняў, атлусцення, астмы і дыябету. Даследнікі з Мічыганскага ўніверсітэта высветлілі, што нават 20-хвілінны шпацыр на прыродзе значна зніжае ўзровень «гармону стрэсу» картызолу.
Супрацоўнікі Эксецерскага ўніверсітэта пацвердзілі іх высновы на маштабнай выбарцы - у даследаванні, якое праводзілася з 2014-га да 2016 года, узялі ўдзел 19 806 чалавек.
Добраахвотнікі апісвалі, колькі часу яны правялі на прыродзе за апошні тыдзень і як ацэньваюць сваё фізічнае і псіхічнае здароўе. У анкеце таксама былі пытанні пра лад жыцця, хранічныя захворванні і шкодныя звычкі.
Навукоўцы выявілі карэляцыю паміж часам, праведзеным на прыродзе, і добрым самаадчуваннем. Даследчыкі заўважылі, што людзі, якія гулялі менш за дзве гадзіны на тыдзень, у сярэднім нічым не адрозніваліся ў сваіх ацэнках ад тых, хто зусім не выязджаў на прыроду.
Дзвюх гадзіны на прыродзе на тыдзень выявілася дастаткова для лепшага самаадчування.
Эфект не суадносіўся з узростам, полам, месцам пражывання, звычкамі і іншымі фактарамі.