Лукашэнка - Пуціну: Інтэграцыйныя ўзаемадзеянні прымножаць нашае сяброўства
18- 12.06.2019, 10:53
- 14,169
Дыктатар павіншаваў кіраўніка Крамля з Днём Расеі.
Пра гэта паведамляе "Інтэрфакс".
"Гэта свята азначае сабой пачатак важнага этапу ў найноўшай гісторыі Расейскай Федэрацыі - умацаванне суверэнітэту і забеспячэнне нацыянальнага адзінства. Цвёрда пільнуючыся абранага курсу, за мінулыя дзесяцігоддзі Расея дамаглася ўражлівых поспехаў у дзяржаўным стварэнні і мадэрнізацыі эканомікі, значна ўзмацніліся вядучыя пазіцыі краіны на сусветнай арэне", - гаворыцца ў віншаванні Лукашэнкі.
"Упэўнены, што наша супольная праца для паглыблення двухбаковых дачыненняў і інтэграцыйнага ўзаемадзеяння будзе садзейнічаць захаванню і прымнажэнню багатых традыцый беларуска-расейскай дружбы", - cказаў дыктатар.
Аляксандр Лукашэнка таксама накіраваў віншаванні старшыні ўрада Расеі Дзмітрыю Мядзведзеву, старшыні Савета Федэрацыі Федэральнага Сходу Расеі Валянціне Мацвіенцы, старшыні Дзяржаўнай Думы Федэральнага Сходу Расеі Вячаславу Валодзіну.