28 сакавiка 2024, Чацвер, 16:17
Падтрымайце
сайт
Сім сім,
Хартыя 97!
Рубрыкі

Апошнія 20 гадоў міністрамі ўнутраных спраў станавіліся толькі тыя, хто нарадзіўся за межамі Беларусі

25
Апошнія 20 гадоў міністрамі ўнутраных спраў станавіліся толькі тыя, хто нарадзіўся за межамі Беларусі
ЮРЫЙ КАРАЕЎ (ЗЛЕВА) І ІГАР ШУНЕВІЧ
ФОТА: "РАДЫЁ СВАБОДА"

Караеў - пяты кіраўнік МУС, які не з'яўляецца грамадзянінам Беларусі з нараджэння.

Міністрам унутраных спраў 11 чэрвеня быў прызначаны выхадзец Паўночнай Асеціі Юрый Караеў, піша nn.by.

«А беларуса не знайшлося?», «Няўжо няма кандыдатаў на гэтую пасаду з Беларусі?», «То з Украіны, то з Расеі. Што, беларуса нельга прызначаць на гэтую пасаду?» - прыкладна так гучаць тры самыя папулярныя каментары пад навіной аб прызначэнні новага кіраўніка МУС.

Караеў патрапіў служыць на тэрыторыю Беларусі яшчэ ў савецкі час.

Чаму ж тады ўзнікаюць пытанні?

Рэч ў тым, што Караеў - пяты запар кіраўнік самай магутнай сілавой структуры, які нарадзіўся за межамі Беларусі.

Можна лічыць гэта супадзеннем, але з 1999 года не было ніводнага міністра ўнутраных спраў, месцам нараджэння якога б у пашпарце была паказаная Беларусь.

Юрый Сівакоў (1999-2000) родам з расейскага Сахаліна. Вучыўся на Далёкім Усходзе. У Беларусь трапіў на службу, так і застаўся.

Уладзімір Навумаў (2000-2009) размаўляў з беларускім акцэнтам, але быў жыхаром Смаленскай вобласці.

Анатоль Куляшоў (2009-2012) хоць і вырас у Чашніцкім раёне, але нарадзіўся на тэрыторыі цяперашняга Азербайджана.

Ігар Шуневіч (2012-2019) нарадзіўся і атрымаў адукацыю ў Луганскай вобласці Украіны.

Нарэшце, Юрый Караеў - ураджэнец Паўночнай Асеціі.

З юрыдычнага пункту гледжання месца нараджэння мае значэнне толькі ў адной сітуацыі: каб быць прэзідэнтам краіны, трэба быць грамадзянін Беларусі з нараджэння.

Напісаць каментар 25

Таксама сачыце за акаўнтамі Charter97.org у сацыяльных сетках