На Вайсковых могілках у Менску ўшанавалі герояў і ахвяр Другой сусветнай вайны
2- 8.05.2019, 18:44
- 14,804
Акцыя памяці прайшла пад бел-чырвона-белымі сцягамі на месцы пахавання вайскоўцаў, якія загінулі пры вызваленні Менска.
На Вайсковых могілках у Менску актывісты Руху салідарнасці «Разам» і партыі «Народная Грамада» правялі акцыю ўшанавання герояў і ахвяр Другой сусветнай вайны.
Кажа «Радыё Рацыя» сустаршыня Руху «Разам» Алена Таўстая:
- Я хацела б падзякаваць усім, хто прыйшоў у гэты дзень, калі ўся Еўропа ўшаноўвае памяць герояў і ахвяр Другой сусветнай вайны. Пакланіцца тым людзям, жыццямі якіх была здабытая перамога людзей над нелюдзьмі. Менавіта тут праходзіць мяжа паміж людзьмі і нелюдзьмі. Людзі ваявалі за тое, каб жыць у міры. Абаранялі свае дамы, сваіх дзяцей, сем'і. Але цяпер, вядома, тое, што мы бачым, не мае ніякага дачынення ні да перамогі, ні да тых жыццяў, якія былі загубленыя.