NATO дапамагае ЕЗ змагацца з кібератакамі на выбарах у Еўрапарламент
- 26.05.2019, 12:40
- 6,209
Столтэнберг абвінаваціў РФ ва ўмяшанні ў дэмакратычныя працэсы
Кіраўнік NATO Енс Столтэнберг заявіў, што альянс дапамагае Еўрапейскаму Звязу (ЕЗ) змагацца з кібератакамі падчас выбараў у Еўрапейскі парламент. Пра гэта паведамляе РБК-Украіна са спасылкай на Welt am Sonntag.
Са слоў Столтэнберга, напярэдадні выбараў у Еўрапарламент экспэрты NATO абмеркавалі з прадстаўнікамі ЕЗ адпаведныя захады абароны ад кіберпагроз падчас галасавання.
«Экспэртная група NATO некалькі тыдняў таму сустрэлася са спецыялістамі ЕЗ, каб абмеркаваць канкрэтныя захады ў супрацьдзеянні кіберпагрозам і дэзінфармацыі напярэдадні выбараў у Еўрапарламент», - распавёў ён.
Столтэнберг адзначыў, што NATO і ЕЗ у рэжыме рэальнага часу ажыццяўляюць абмен інфармацыяй аб праграмах, якія прычыняюць шкоду, і кібератаках. Ён дадаў, што альянсу ўдалося не дапусціць распаўсюджванне прысутнасці ў інтэрнэце тэрарыстычнай арганізацыі «Ісламская дзяржава».
Акрамя таго, кіраўнік NATO заявіў, што Расейская Федэрацыя «мэтанакіравана ўмешваецца ў жыццё дэмакратычных краін, распаўсюджвае непраўдзівыя інфармацыю і чыніць кібератакі».
«Гэта, перш за ўсё, адбываецца падчас выбараў», - падкрэсліў Столтэнберг.
Нагадаем, раней паведамлялася, што ў краінах Еўрапейскага Звязу пачаліся выбары ў Еўрапейскі парламент. У чацвер, 23 траўня, выбары пачаліся ў Брытаніі і Нідэрландах. У пятніцу галасаванне прайшло для жыхароў Ірландыі і Чэхіі, а 25 траўня - у Латвіі, Мальце і ў Славаччыне. У іншых краінах Еўразвязу выбары пройдуць у нядзелю.
Раней Еўракамісар у пытаннях юстыцыі Вера Юрава папярэдзіла пра пагрозу маніпуляцыі вынікамі выбараў у Еўрапейскі парламент з боку шэрагу краін, уключаючы Расею.